同热爱这片土地大家刻骨铭记英国钻石之都，

愁或喜生与死英国钻石之都，

何时何地我都喺广州人。

生在广州，活在广州

每日都见证住广州嘅变化

呢座城市比咗我太多感动温情吐槽同成就

　　

从西关骑楼连廊中穿梭

与安逸老街坊擦身而过

荔湾广场灵异事件一唔小心就传遍祖国大地

上下九一言不合就成为非主流集散地

大笪地清货大平卖嘅叫声仿佛还历历在耳，

长寿路地铁站终年客流控制，

　　

陈家祠永恒喺游客嘅必备，

夜幕下成为师奶大叔嘅露天巨型舞池，

多少年前曾经嘅造访嘅我地，

只因佢喺“爱国主义教育基地”

　　

西门口越富广场依旧在，

玩具店摆设开始尘封，

曾经买唔起斋睇都开心嘅模型

而家随手下单都可以满足自己

饰品店小玩意开始被冷落，

当年一条新橡筋可以开心一日嘅我地，

开始为一条钻石链打拼而麻痹，

但当年开心嘅日子依然冇忘记。

北京路嘅班尼路唔知有几耐无入过去，

但经常都会经过。

我地都见证住彼此嘅成长

呢条路上都唔知几多小伙伴俾人偷过手机

农讲所广州图书馆夹杂住好多人嘅高考回忆

一到周末就爆满嘅自习室，

永远都做唔完嘅卷。

春天开到烂漫嘅木棉花，

同旁边英讯果个宣传单同真人差好远

叫Angel同Sam嘅英文补习老师

成长中喺中华广场买过唔少部手机，

试过元旦12点喺外围牵手倒数，

甚是唯美。

　　

东山口七中培正放学钟声准时响起，

东山百货大楼几十年贩卖人情味，

公交车站人头攒动

公车一世都唔嚟，

嚟到一世都逼唔上。

早上嘅地铁站同份工一样，

喘唔过气，

体育西路地铁报站永恒走音，

每次逼入车厢同问老婆摞零用钱一样，

都需要勇气。

站内换乘同人生一样咁迷茫，

番禺广场同天河客运站方向，

隔咗一条林和西

行错简直冇得翻转头。

体育中心做咗恒大主场咁耐，

储极钱都买唔到一张门飞

广州东站虽然喺终点站，

但同人生一样，

去到某个位点都会塞塞地，

活在广州，有“断崖式”气候陪你一日度过春夏秋冬

越赶时间，越唔带遮就越中意落狗屎，

一洗完车又中意落场大雨，

总之，开心唔开心，

广州都中意落大雨俾你冷静自己。

活在广州根本冇办法减肥，

因为好吃嘅太多，

管得住自己，管唔住自己把口

活在广州

既可以小蛮腰千尺高空之上同女朋友兜圈摩天轮

亦可以广州塔下打野鸡兜风江边

当然，活在广州，

赖死唔走嘅重要原因喺我要睇广州日日睇！

我生于呢座城市，

我活在呢座城市，

佢俾咗我睇希望，

带俾我地无奈，

带比我地欢乐，

带比我地压力，

我地喘不过气，

我地绝望无奈，

我地顽强坚持。

到最后尘归尘土归土，

我一定要长眠于此埋葬于此...